In ’t Groenewoud es zaoterdag 25 november op ‘t Lemkesbâl in ‘n gezellig en sfeervôl Gemeinschapshoês Groenewoud de nowwe Jeugdpreens van V.V. De Schäöpkes uutgeroope. ‘t Es de 12 jaorige Dani Coumans (DESM JO13-1), zoeën van Davie Coumans (DESM 6) en Angela Stultiens. Hae hieëf ‘ne broor Dilan (DESM JO15-2), dae dit jaor Jeugdvorst es en zien breurke Dez (DESM JO9-1) zitj inne Jeugdraod. Best biezeundjer um same met eur breurs de Jeugd in ‘t Groenewoud vuuër te gaon. Hae hieëf ’n hieël aantal hoêsdeere en det zeen poes Pip, hoond Shanty, slang Sisser en knieën Rakker.

Hae es lieërling in groep 8 aan Baazisschoeël “Aan de Bron”. Beej DESM es hae as kieper inne goal te vînge en spriktj gaer aaf met zien kammeräötjes um te game. Ouch is hae hieëlemaol gek van reptiele en bieëste. Zien lievelingsbieëst es ‘ne zieë-arend. Daorum hieëf hae de “Orde van ’t Bieëstig Kieperke” ingesteldj.

Daonaeve es Vastelaovundj veere woeë hae van hultj. Dit deut hae beej V.V. Vreug of Laat. Ouch al luiptj hae dit jaor beej de Schäöpkes Jeugd vuuërop, hae hieëf de vereiniging laote wieëte hae ze zieëker neet vergaete es!
Zien adjudânte di-j hem met dieës drökke dage beej zölle staon zeen zien naefke Ryan Stultiens en kammeräötje Luuk Hendriks (DESM JO13-1)

Same zölle ze de Jeugd in ‘t Groenewoud vuuërgaon ónger zien devies:
“Met dieës daag geîn bieëstig kieperke ónger de lat. Mer fieëste vae op ‘t Groenewoud de hieële zaal plat”

Names DESM van herte prefisjat en ‘nne schoeëne vastelaovendj!