DESM

AFGELASTINGEN

Rolf Bonten stopt bij dames DESM
Joop Faessen nieuwe hoofdtrainer DESM
Ben Steijntjes

Nôwwe hooghede beej de Moeësdiêk

Jeugdpreensepaar, adjudânten en jeugdraod 2022!

Luuëke, op 6 fibberwari 2022 zeen de nôwwe jeugd hooghede van V.V. de Zweeloeëre uutgeroope. Same met de jeugdraod van 11 enne adjedânte zeen ze dae middig via ‘ne livestream op Facebook geïnstallieërdj en veurgesteldj.

Jeugdpreens Mees I & Jeugdpreenses Fleur
Ze hebbe de orde ingesteldj van: ‘’De swingendje beînkes’’. Ze zulle os veurgaon met heur devies: ’’Mét swingendje beîn, fieëste vae dit jaor mét wichter alleîn’’.

Jeugdpreens Mees I steltj zich veur:
Jeugdprins Mees 1e (Heijmans) es 11 jaor en woeëntj same met zien mooder Ellis en vader Willy aane Belle van Zuylenhof op Luuëke. Hae hieët ‘ne groeëte broor Juul, ‘n vastelaovendj Tekkel Teun en 2 cavia’s Plukkie en Lucky. Lieëre deute in groep 8a op IKC Luuëke, nao schoeël voetbaltj hae beej DESM in de JO13-2 en deut hae aan kickboksen en gamen. Mer… vastelaovendj es zien groeëtste hobby!

Adjudânt preens - Finn Litjes (JO13-1)
Adjudânt preenses - Sofie van de Vin (JO11-1)
Cirremoniemeîster - Raoul Smolenaars (JO12-1)
Raod van 11 - Luca Simons (JO13-1), Lorena Schmidt (JO12-1), Danischa Savkin (JO12-1)


Swartbrook, op zaoterdig 15 jannewari es nao ‘nne spannendje loeëting, auch via ‘n livestream ‘t jeugdpreensepaar 2022 van V.V. de Spoeëkejaegers uutgeroope. En auch heej zoot ‘n Moeësdiêker beej!

Jeugdpreens Menno & Jeugdpreenses Lara: 
Ze hebbe same de orde ingesteldj van: “Ut voetballendj sjöttelke “ en gaon dieëze vastelaovendj veurop onger heur devies: “Corona kriegtj de vastelaovendj in Swartbrook neet klein, Want wae gaon sportief veurop in dit spoeëke festijn!”.

Jeugdpreenses Lara steltj zich veur:
Lara Heuvelmans es 11 jaor, zitj in groep 8 van basisschoeël Swartbrook en woeëntj aane Coolenstraot same met heur zösterkes Emy en Lizzy, haar breurs Timo en Vinz, mooder Linda met partner Danny. In heur vreeje tieëd spuuëltj Lara gaer boête en stieët ze inne goal vanne JO12-1 beej DESM.
Allemaol ‘nne dikke perfisjat en maaktj d’r same ‘n geweldjige vastelaovendj van!

3x MOEËSDIÊK ALAAF!

DESM